Mama,Bapa Ini Yang Sa Rasa Ucap Boca Kecil Diantara Tembok Dan Keramain Kota

Mama, Bapa ini yang Sa Rasa

(Boca Keriting)

Su tra sperti dulu

Su tra sebagus dulu

Su tra seindah dulu

Su tra seharmoni dulu

Sa, sayang rumah

Sa, sayang mama

Sa ,sayang bapa

Bapa, sayang saya

mama, sayang saya

kaka sayang,Tapi sayang,

sa teman itu paling mengerti tu cukup.

Mereka ada buat saya

Tertawa sama-sama

Menangis sama-sama

Semua itu yang sa paling rindu

Mama..mama …bapa –bapa

Tu yang sa dambakan

Mama, dengar kh?Bapa dengar kh?

Kaka dengar ka tidak?

Sa ingin pulang tapi teman-teman?

Sa ingin pulang tapi kaleng ini

Sa ingin pulang tapi di sini

Ada kebersamaan,di rumah tidak ada

Sa ingin pulang tapi takut

Sa ingin lepas kaleng ini,tapi de pu cara??

Mama,bapa tolong saya…!!

Sa di simpangan jalan

Sa di sini senang-senang

Sa di sini tapi hati hancur Mereka tidak tahu

Mama,bapa tolong saya!!

Dengar saya kah???

                                                        Keket P